| S | H | O | U | T |

Ang pag-ibig, aking mailalarawan
Ng tulad sa pagtae, yano ang pakiramdam
Biglang dumarating ng hindi natin alam
Biglang mahuhulog sa ating harapan

Ang pag-ibig... parang pagtae, walang pinipiling panahon
Walang pasintabing ibibigay ng pagkakataon
Ang pag-ibig... parang pagtae, wala ring pinipiling tagpuan
Walang paabisong biglang tatamaan

Tulad ng pagtae, ang pag-ibig ay hindi napipigilan
Walang pinipili kahit nasa anumang kalagayan
Lalo mo mang pigilan, lalo rin naman masasaktan
Kaya walang magagawa kundi ang labasan

Tulad ng pagtae, ang pag-ibig ay hindi mo rin maiiwasan
Kahit ipagpabukas pa yan, malabo ng matakasan
Hindi 'yan titigil, hindi ka lulubayan
Hanggang wala ng magagawa, hanggang sa mapilitan

Gaya ng pagtatae, ang pag-ibig ay ganun rin
Marami problema't pagsubok na haharapin
Kaya mainam na ito'y agad hilumin
Upang ang tunaw at matubig na anyo, magbabalik sa dati mandin

Gaya ng pagtitibi, ang pag-ibig ay pinaghihirapan
Isa pa rin itong problema na kailangang solusyunan
Kaya mainam na ito'y bigyan ng kagamutan
Upang ang matigas na anyo, lalabas ng may kaginhawahan

Tulad ng pagtae, ang pag-ibig ay hindi ipinagpipilitan
Walang magagawa kung ayaw talagang labasan
Baka isang almoranas ang magisnan
Ang sakit na dulot ay hindi agad maiibsan

Ang pag-ibig... parang pagtae, paghihintay ay kailangan
Hindi minamadali, bagkus ay pinaghahandaan
Upang sa mga pagkakataon ang pagdating ay biglaan
May nakahanda tissue panglinis ng sarili at tubig na pangbuhos at pang-alis sa maruming nakaraan